{"id":293,"date":"2013-07-26T00:01:13","date_gmt":"2013-07-25T22:01:13","guid":{"rendered":"http:\/\/www.manuelrivas.com\/cousas\/?p=293"},"modified":"2013-06-27T17:22:11","modified_gmt":"2013-06-27T15:22:11","slug":"o-vello-saramanguino","status":"publish","type":"post","link":"http:\/\/www.manuelrivas.com\/cousas\/o-vello-saramanguino\/","title":{"rendered":"O vello “Saramagui\u00f1o”"},"content":{"rendered":"

\"O<\/a>O vello “Saramagui\u00f1o” pasou a vida cacheando tesouros. Coa pacencia dun xogador de loter\u00eda o\u00a0vello “Saramagui\u00f1o” rexistraba o campo da feira, dispois da feira, e o campo da romer\u00eda, dispois da festa. \u00a1Cantos valados escudrumou en procura da ola de onzas recortadas! \u00a1Ai!, o\u00a0probe “Saramagui\u00f1o” morreu sin atopa-lo tesouro degoirado, e nos derradeiros d\u00edas da s\u00faa vida baix\u00e1base para apa\u00f1ar do chan as cousas redondas ou brilantes en que bat\u00edan os seus ollos pito\u00f1entos.<\/p>\n

O\u00a0“Saramagui\u00f1o” foi un home de boa fe e na folica dos pecados non levou m\u00e1is que mentiras, unhas mentiras grandes coma contos de nenos.\u00a0<\/p>\n

\u2014 Una vez\u00a0\u2014contaba\u2014 chegou a escoadra inglesa e vela\u00ed me vou eu pola noite a cachear o areal porque cando hai escoadra na r\u00eda o mar cuspe cousas boas. \u00a1Ja, ja, ja! E vais e unha vez no devalo da marea quedou na beiramar unha caixa moi longa. E vaise e fun eu e cargueina \u00f3 lombo. \u00a1Ja, ja, ja! A condanada pesaba tanto que me derreaba de todo; pero eu saquei forzas de non si \u00f3nde e logrei chegar con ela diante da mi\u00f1a porta. \u00a1Ja, ja, ja! E vaise e chamei pola mi\u00f1a mulle: \u00a1Abre, Xoana, que traio un tesouro! \u00a1Abre deseguida, muller, que xa somos ricos! \u00a1Ja, ja, ja! Eu xem\u00eda con t\u00f3dolos folgos ollando a caixa que gardaba tanto ben cobizado e, cando baixou a mi\u00f1a Xoana coll\u00e9mo-la caixa e met\u00e9mola na casa. \u00a1Ja, ja, ja! Mintir\u00eda se non dixese que foi o intre m\u00e1is feliz da mi\u00f1a vida. E vaise e dispois abr\u00edmo-la caixa e como atopar atopamos… \u00bfsabedes o que?, pois… un ingl\u00e9s morto. \u00a1Ja, ja, ja!<\/p>\n

Compartir isto:<\/h3>