{"id":52,"date":"2010-04-29T23:41:01","date_gmt":"2010-04-29T21:41:01","guid":{"rendered":"http:\/\/manuelrivas.com\/cousas_temp\/?p=52"},"modified":"2013-07-07T22:10:35","modified_gmt":"2013-07-07T20:10:35","slug":"no-escuro-caletre-de-martino","status":"publish","type":"post","link":"http:\/\/www.manuelrivas.com\/cousas\/no-escuro-caletre-de-martino\/","title":{"rendered":"No escuro caletre de Marti\u00f1o"},"content":{"rendered":"

\"No<\/a>No escuro caletre de Marti\u00f1o buleu sempre un verme de luz. Marti\u00f1o arelaba ser dono do campanario da eirexa.<\/p>\n

Criouse \u00f3 rabo do sancrist\u00e1n para gana-la s\u00faa vountade e medrando, medrando, chegou a sineiro porque Marti\u00f1o era parvo e d\u00e1balle por tangue-las camp\u00e1s.<\/p>\n

Nos primeiros, Marti\u00f1o escorrentaba rapaces. Despois a porta do campanario, decote aberta, apareceu cun tarabelo. De a pouco Marti\u00f1o p\u00faxolle un ferrollo e meteuse dentro.<\/p>\n

Foi as\u00ed corno Marti\u00f1o entrou solermi\u00f1arnente en posesi\u00f3n do campanario da eirexa e fixo dil a s\u00faa casa e das camp\u00e1s a ferramenta con que traballaba para si.<\/p>\n

Os rapaces endexamais lle conced\u00e9mo-lo dereito de mandar no campanario e disput\u00e1mosllo con xenreira e con medo, pois quen lle fac\u00eda unha pag\u00e1balle d\u00faas cando entraba na eirexa, que vi\u00f1a sendo a rateira onde Marti\u00f1o atrapaba rapaces.<\/p>\n

Adoecidos corno est\u00e1bamos por rubir \u00f3 campanario, o noso max\u00edn non acougaba maquinando cousas. Un d\u00eda inventamos tan boa i\u00f1orma que logramos entrar. Nin que decir ten que na “casa” do probe Marti\u00f1o non deixamos cousa enteira nin san. E foi ent\u00f3n cando Marti\u00f1o comenzou a engaiolarnos para se vingar.<\/p>\n

Sentados a plan no adro, cont\u00e1banos Marti\u00f1o, con voz medo\u00f1enta, as cousas acontecidas no campanario, cando as \u00e1nimas da Santa Compa\u00f1a pasaron por riba do seu peito, cando unha noite repinicaron as camp\u00e1s e foi ver quen as tanguia e recibeu unha labazada… N\u00f3s non bul\u00edamos escoitando aparvados os contos de Marti\u00f1o, e, cando a noite pechaba, morr\u00edamos de medo.<\/p>\n

A vinganza de Marti\u00f1o foi tal que a\u00ednda hoxe eu estouna padecendo nestes medos que me dan.<\/p>\n

Compartir isto:<\/h3>